കുമാറിന്റെ മരണത്തിനു കാരണം ജാതീയപീഡനമെന്ന് ഭാര്യ

എല്ലാവരുടേയും മുമ്പില്‍ വെച്ച് തന്നെ അപമാനിച്ചിരുന്നതായും കൂടുതല്‍ ജോലി ചെയ്യിച്ചിരുന്നതായും കുമാര്‍ പറഞ്ഞിരുന്നു.

പാലക്കാട് എ ആര്‍ ക്യാമ്പിലെ ഉദ്യോഗസ്ഥനായിരുന്ന കുമാറിന്റെ ദുരൂഹ മരണത്തിനു കാരണം ജാതീയ പീഡനമാണെന്ന് ഭാര്യ ആരോപിച്ചു. രണ്ടുദിവസം മുമ്പ് ലക്കിടിയില്‍ ട്രെയില്‍ തട്ടി മരിച്ച നിലയിലാണ് കുമാറിന്റെ മൃതദേഹം കണ്ടെത്തിയത്. ആദിവാസിയെന്ന നിലയില്‍ തനിക്ക് നിരന്തരമായി മാനസികപീഡനം നേരിടേണ്ടി വന്നിരുന്നതായി കുമാര്‍ പറഞ്ഞിട്ടുണ്ടെന്ന് ഭാര്യ സജിനി പറഞ്ഞു. എല്ലാവരുടേയും മുമ്പില്‍ വെച്ച് തന്നെ അപമാനിച്ചിരുന്നതായും കൂടുതല്‍ ജോലി ചെയ്യിച്ചിരുന്നതായ.ും കുമാര്‍ പറഞ്ഞിരുന്നു. രണ്ടു മാസമായി അവധിയിലായിരുന്ന കുമാര്‍ കഴിഞ്ഞാഴ്ചയാണ് ജോലിയില്‍ തിരികെ പ്രവേശിച്ചത്. അട്ടപ്പാടി സ്വദേശിയാണ് മരിച്ച കുമാര്‍. സംഭവം നിഷേധിച്ച് ഉന്നത ഉദ്യോഗസ്ഥര്‍ രംഗത്തു വന്നെങ്കിലും ഡിഐജി അന്വേഷണത്തിന് ഉത്തരവിട്ടു.

ഞങ്ങളുടെ ഫേസ്ബുക് പേജ് ലൈക് ചെയ്യൂ..