അതു പള്ളീല്‍ പോയി പറഞ്ഞാല്‍ മതി

ജോസഫ് മാധവിക്കുട്ടിക്കും സാറാജോസഫിനുമെതിരായ തൃശൂര്‍ അതിരൂപതയുടെ ലേഖനം പള്ളീല്‍ പോയി പറയാന്‍ മാത്രം യോഗ്യതയുള്ളത്. കേരളത്തിന്റെ പൊതുസമൂഹത്തില്‍ അതിനൊരു പ്രസക്തിയുമില്ല. ഏറെ കാലമായി പലരും ഉന്നയിച്ചതും അവസാനം തോറ്റുതൊപ്പിയിട്ട് നിശബ്ദരായതുമായ ആരോപണങ്ങളാണ് ഇപ്പോള്‍ അതിരൂപത പൊടിതട്ടി പുറത്തേക്ക് എടുക്കുന്നത്. മനസ്സിലാകാത്തത് ഒന്നു മാത്രം. ഇപ്പോള്‍ ഇതിനുള്ള പ്രകോപനം എന്താണാവോ? രഞ്ജിത് എന്നയാളുടെ വെളിപാടുകളായിട്ടാണ് സഭ വിഷയം അവതരിപ്പിക്കുന്നത്. അത് സഭയുടെ വെളിപാടുകള്‍ തന്നെ എന്നു വ്യക്തം. ലൈംഗിക അരാജകത്വം വളര്‍ത്തുന്നവയാണ് സാറാജോസഫിന്റേയും മാധവിക്കുട്ടിയുടേയും കൃതികള്‍ എന്നാണ് സഭയുടെ […]

ജോസഫ്

മാധവിക്കുട്ടിക്കും സാറാജോസഫിനുമെതിരായ തൃശൂര്‍ അതിരൂപതയുടെ ലേഖനം പള്ളീല്‍ പോയി പറയാന്‍ മാത്രം യോഗ്യതയുള്ളത്. കേരളത്തിന്റെ പൊതുസമൂഹത്തില്‍ അതിനൊരു പ്രസക്തിയുമില്ല. ഏറെ കാലമായി പലരും ഉന്നയിച്ചതും അവസാനം തോറ്റുതൊപ്പിയിട്ട് നിശബ്ദരായതുമായ ആരോപണങ്ങളാണ് ഇപ്പോള്‍ അതിരൂപത പൊടിതട്ടി പുറത്തേക്ക് എടുക്കുന്നത്. മനസ്സിലാകാത്തത് ഒന്നു മാത്രം. ഇപ്പോള്‍ ഇതിനുള്ള പ്രകോപനം എന്താണാവോ?
രഞ്ജിത് എന്നയാളുടെ വെളിപാടുകളായിട്ടാണ് സഭ വിഷയം അവതരിപ്പിക്കുന്നത്. അത് സഭയുടെ വെളിപാടുകള്‍ തന്നെ എന്നു വ്യക്തം. ലൈംഗിക അരാജകത്വം വളര്‍ത്തുന്നവയാണ് സാറാജോസഫിന്റേയും മാധവിക്കുട്ടിയുടേയും കൃതികള്‍ എന്നാണ് സഭയുടെ പ്രധാന വിമര്‍ശനം. അതേവഴി ഗ്രേസിയും വിജയലക്ഷ്മിയും മറ്റും പിന്തുടരുന്നതായും ലേഖനം ആരോപിക്കുന്നു. പെണ്ണെഴുത്ത് എന്ന സംജ്ഞയെയാണ് ഫലത്തില്‍ സഭ എതിര്‍ക്കുന്നത്.
സത്യം എന്താണ്? കേരളത്തിലെ ലൈംഗികാവബോധത്തെ തല വീഴായി മറിച്ചത് ആരാണ്? പ്രധാന ഉത്തരവാദിത്തം സഭക്കാണ്. ആണ്‍കുട്ടികളും പെണ്‍കുട്ടികളും അടുത്തിടപഴുകുന്നതുപോലും പാപമാണെന്ന കപടബോധം വ്യാപപകമാക്കിയതില്‍ നിന്നാണ് അതിന്റെ ആരംഭം. കേരളത്തില്‍ വിദ്യാഭ്യാസം വ്യാപകമാക്കുന്നതില്‍ പ്രധാന പങ്കു വഹിച്ച സഭ അതോടൊപ്പം ചെയ്ത വലിയൊരു പാതകമായിരുന്നു ആണ്‍കുട്ടികള്‍ക്കും പെണ്‍കുട്ടികള്‍ക്കും പ്രത്യേക വിദ്യാലയങ്ങള്‍ നിര്‍മ്മിച്ച് അവരെ പ്രത്യേക അറകളിലേക്ക് മാറ്റിയത്. കപടമായ വിക്ടോറിയന്‍ സദാചാരബോധം പ്രചരിപ്പിക്കുകയും ആണ്‍കുട്ടികളും പെണ്‍കുട്ടികളും തമ്മിലുള്ള അടുത്തിടപഴകലുകളും സഹവിദ്യാഭ്യാസവും അതുവഴി നേടേണ്ട മാനസിക വികാസവും അവര്‍ തടഞ്ഞു. വിവാഹം കഴിക്കാനവകാശമില്ലാത്ത അച്ചന്മാരുടേയും കന്യാസ്ത്രീകളുടേയും ഇടപെടലുകള്‍ പ്രശ്‌നത്തെ സങ്കീര്‍ണ്ണാക്കി. മറുവശത്ത് ഇവരുടെ പേരില്‍ മാര്‍പ്പാപ്പക്ക് ഇടക്കിടക്ക് ക്ഷമാപണം നടത്തേണ്ടിവരുന്നു എന്നത് മറ്റൊരു കാര്യം. സിസ്റ്റര്‍ അഭയയെ നാം മറക്കാറായിട്ടി്ല്ലല്ലോ.
വിദ്യാഭ്യാസത്തോടൊപ്പം സഭ പ്രചരിപ്പിച്ച കപടമായ സദാചാര്യ മൂല്യങ്ങളാണ് സ്ത്രീയെ ഒരുവശത്ത് കളിപ്പാവയും മറുവശത്ത് കച്ചവടച്ചരക്കുമാക്കുന്നതില്‍ മുഖ്യപങ്കുവഹിച്ചത്. ഈ മൂല്യങ്ങള്‍ കേരളത്തിലെ മറ്റുവിഭാഗങ്ങളിലേക്കും അതിവേഗം പ്രചരിക്കുകയായിരുന്നു. സ്ത്രീധന സമ്പ്രദായവും വ്യാപകമായി ലൈംഗികവിദ്യാഭ്യാസത്തെപോലും ചെറുത്ത സഭ പെണ്‍കുട്ടികളുടെ പ്രതിരോധശക്തിയെപോലും തകര്‍ക്കുകയായിരുന്നു. കോണ്‍വെന്റുകളില്‍ പഠിക്കുന്ന പെണ്‍കുട്ടികളാണ് വഞ്ചിക്കപ്പെടുന്നതില്‍ ഭൂരിഭാഗവും എന്ന് എത്രയോ പഠനങ്ങള്‍ പുറത്തുവന്നുകഴിഞ്ഞു. സൂര്യനെല്ലി പെണ്‍കുട്ടിയടക്കം.
.കേരളത്തിലെ സഭയില്‍ എന്തുനടക്കുന്നു എന്ന് സിസ്റ്റര്‍ ജസ്മി തന്റെ ആത്മകഥയില്‍ വ്യക്തമാക്കുന്നുണ്ട്. സ്വാഭാവികമായും സഭക്ക് പെണ്ണെഴുത്ത് സഹിക്കാനാകില്ല. പെണ്ണിന്റെ ഏതൊരു ഉണര്‍വ്വും അവര്‍ ഭയപ്പെടും. നിലനില്‍ക്കുന്ന കുടുംബമൂല്യങ്ങള്‍ ഈ എഴുത്തുകാരികള്‍ തകര്‍ക്കുന്നു എന്നതാണല്ലോ ആരോപണം. സ്ത്രീയെ അടിമയാക്കുന്ന മൂല്യങ്ങളുടെ പുനസ്ഥാപനം ആഗ്രഹിക്കുന്നവര്‍ മറ്റെന്തുപറയാന്‍? കുടുംബജീവിതം എന്തെന്നറിയാത്ത അച്ചന്മാര്‍ വിവാഹം കഴിക്കാന്‍ പോകുന്നവര്‍ക്ക് നല്‍കുന്ന ക്ലാസ്സ് കേട്ടാല്‍ മാത്രം മതി ഇവരുടെ ഉള്ളിലിരിപ്പ് ബോധ്യപ്പെടാന്‍.
സഭയെന്നല്ല, ലോകത്തെ ഏതു ശക്തിക്കും ഇനിയും തടയാനാകാത്ത വിധം സ്ത്രീശക്തി ഉണരുകയാണ്. അതില്‍ ചെറിയ പങ്ക് സാറാജോസഫും മാധവിക്കുട്ടിയും വഹിച്ചു. ഏതു വിഭാഗവും തലമുറകളായി അനുഭവിക്കുന്ന പീഢനങ്ങള്‍ക്കെതിരെ സര്‍ഗ്ഗാത്മകമായും നേരിട്ടും തെരുവിലിറങ്ങുമ്പോള്‍ പരമ്പരാഗത മൂല്യസങ്കല്‍പ്പങ്ങള്‍ ചുമലിലേറ്റുന്നവര്‍ വിരളും. അതിന്റെ തെളിവാണ് രഞ്ജിത്തിന്റെ പേരിലുള്ള സഭയുടെ വെളിപാടുകള്‍…..

ഞങ്ങളുടെ ഫേസ്ബുക് പേജ് ലൈക് ചെയ്യൂ..