അന്ന് വില്ലുവണ്ടി അന്തസ്സിന്റെ ചിഹ്നമായിരുന്നെങ്കില്‍ ഇന്ന് എന്താണ് അത്തരം ചിഹ്നങ്ങള്‍ എന്ന ചോദ്യമാണ് പ്രസക്തം. ഇവിടത്തെ ഉന്നതരെ പോലെതന്നെ സ്വന്തം ജീവിതം അന്തസ്സോടെ പരിഷ്‌കരിച്ച് ആഘോഷിക്കുകയാണ് വേണ്ടത്. അയ്യന്‍കാളിയെ കലാപകാരിയായി കണ്ടാല്‍ നമ്മളും അങ്ങനെയാകും. അതല്ല വേണ്ടത്. സ്വയം പുതുക്കി പണിയാനും സമൂഹത്തെ നവീകരിക്കാനുമാണ് നാം തയ്യാറാകേണ്ടത്. അങ്ങനെയാണ് ഓരോരുത്തരും അയ്യന്‍കാളിമാരാകേണ്ടത്. അല്ലാതെ കലാപകാരികളായല്ല.